பாலக்காடு: பாலக்காட்டு மாவட்டத்தில் புகழ்பெற்ற கல்பாத்தி தேர்த்திருவிழா, இன்று கொடியேற்றத்துடன் துவங்குகிறது. கேரளா, பாலக்காடு அடுத்த கல்பாத்தியில் பிரசித்தி பெற்ற விசாலாட்சி சமேத விஸ்வநாதர் கோவில், மந்தக்கரை கணபதி கோவில், லட்சுமி நாராயண பெருமாள் கோவில், சாத்தபுரம் பிரசன்ன மகா கணபதி கோவில்கள் அமைந்துள்ளன. இக்கோவில்களில் தேர்த்திருவிழா கொடியேற்றம் இன்று நடக்கிறது. இதையொட்டி, சங்கீத உற்சவம் இன்று மாலை 6 மணிக்கு சாத்தபுரம் மணி அய்யர் ரோட்டிலுள்ள லால்குடி ஜெயராமன் நகரில் நடக்கிறது. தேரோட்டம், 14ம் தேதி தொடங்குகிறது. மறுநாள் இரண்டாம் தேர்த்திருவிழா, 16ம் தேதி, மாலை தேவரத சங்கமம் நடக்கிறது. கல்பாத்தி சங்கீத உற்சவம் 13ம் தேதி நிறைவுபெறுகிறது.