மதுரை: இம்மையில் நன்மை தருவார் கோயிலில் நேற்று விளக்கு பூஜை சிறப்பாக நடந்தது. மதுரை மேலமாசிவீதி இம்மையிலும் நன்மை தருவார் கோயிலில் நேற்று மாலை இந்து ஆலய பாதுகாப்பு குழு சார்பில் நாடு நலம் பெற திருவிளக்கு பூஜை சிறப்பாக நடந்தது. இந்த திருவிளக்கு பூஜையை சின்மயானந்த மிஷன் தலைவர் துவக்கி வைத்தார். இந்த பூஜையில் ஆயிரத்திற்கும் மேற்பட்ட பெண்கள் கலந்து கொண்டு பூஜை செய்தனர்.