அலங்காநல்லுார், பாலமேடு பத்ரகாளியம்மன், மாரியம்மன் கோயில் பங்குனி பொங்கல் திரு விழாவையொட்டி முளைப்பாரி ஊர்வலம் நடந்தது. விழா மார்ச் 25 கொடியேற்றத்துடன் துவங்கியது. காப்புகட்டி விரதம் இருந்த பக்தர்கள் அக்னிசட்டி, பால்குடம், மாவிளக்கு, பொங்கல் வைத்தும், கரும்பு தொட்டில் கட்டியும் நேர்த்திகடன் செலுத்தினர். நேற்றிரவு மாரியம்மன் பூப்பல்லக்கு தேர்பவனி நடந்தது. ஏராளமான பெண்கள்முளைப்பாரியுடன் ஊர்வலமாக வந்து வழிபாடு நடத்தினர். பின் மாரியம்மன், பத்ரகாளியம்மனுக்கு சிறப்பு அலங்காரம், அபிஷேகம் நடந்தன. மஞ்சள் நீராடுதலுடன் திருவிழா நிறைவுற்றது.