திருவண்ணாமலை: பகவான் ரமணரின், 68வது ஆராதனை விழா, இளையராஜா இசை கச்சேரியுடன் நடந்தது. திருவண்ணாமலை, ரமணர் ஆசிரமத்தில் பகவான் ரமணரின், 68வது ஆராதனை விழா நேற்று நடந்தது. அதிகாலை, 4:45 முதல், 5:15 மணி வரை மங்கள இசை, 5:30 முதல், அருணாசல ஸ்துதி பஞ்சகம், 7:30 முதல், 10:30 மணி வரை பகவான் ரமணர் சன்னதியில், இசை அமைப்பாளர் இளையராஜா மற்றும் கார்த்திக் ராஜா, ரமணரின்கீர்த்தனைகள் குறித்து பாடினர்.மாலை, 6:00 மணி முதல் தமிழ்ப் பாராயணம், தொடர்ந்து, அம்பிகாவின் கர்நாடக ரமண சங்கீதம் இசை நிகழ்ச்சி நடந்தது. இன்று காலை, 9:45 மணிக்கு, தாயார் மற்றும் பகவான் சன்னதியில் தீபாராதனை, 10:00 மணி முதல், சிவப்பிரகாசம் பிள்ளை இயற்றிய, ரமண பாத பஞ்சரத்னம் நிகழ்ச்சி நடக்க உள்ளது.