உடன்குடி:செட்டியாபத்து ஐந்து வீட்டு சுவாமி கோயில் தை பூஜை திருவிழா மெக்கட்டி பூஜையுடன் துவங்கி நான்கு நாட்கள் நடந்தது.மாவட்டத்தில் மிகவும் பிரசித்திப்பெற்ற திருத்தலங்களில் ஒன்றான செட்டியாபத்து ஐந்து வீட்டு சுவாமி கோயில் தை பூஜை திருவிழா ஆண்டுதோறும் நடைபெறுவது வழக்கம். இந்த ஆண்டு கடந்த 19ம் தேதி மேக்கட்டி பூஜையுடன் துவங்கியது. முன்னதாக மதியம் அன்னதானம் வழங்கும் நிகழ்ச்சி நடந்தது. 20ம் தேதி காலை முழுநேர சிறப்பு பூஜையும், இரவு ஆன்மிக சமய சொற்பொழிவும் நடந்தது. இதில் முன்னாள் அறங்காவலர் குழுத்தலைவர் சிவகொழுந்து தலைமை வகித்தார். பொன்னுச்சாமி முன்னிலை வகித்தார். பாரத திருமுருகன் திருச்சபை மாநிலத் தலைவர் மோகனசுந்தரம் பேசினார். தொடர்ந்து திரைப்பட கச்சேரியும், 21ம் தேதி இரவு கும்பாபிஷேகமும் நடந்தது. ஏற்பாடுகளை கோயில் செயல் அலுவலர் சரவணபவன் செய்து இருந்தார்.