பழநி:பழநியில் உள்ள சிவன்கோயில்களில் சோமவார பிரதோஷத்தை முன்னிட்டு, அபிஷேகம், பூஜை நடந்தது.பழநி பெரியாவுடையார் கோயிலில், பிரதோஷ வேளையில் நந்திபகவான், மூலவருக்கும் அபிஷேகம், அலங்காரம் நடந்தது. சிவன் பார்வதி ரிஷபவாகனத்தில் உட்பிரகாரத் தில் வலம் வந்தனர்.  இடும்பன்கோயிலில் ரிஷபவாகனத்தில் உள்ள சிவகிரிநாதர், உமா மகேஸ்வரியம்மனுக்கு அபிஷேகம், அலங்காரத்தில், திருவுலா நடந்தது.

மலைக்கோயில், பெரியநாயகியம்மன்கோயில், கைலாசநாதர், சன்னதிவீதி வேளீஸ்வரர் கோயில், நேதாஜிநகர் காமாட்சியம்மன் ஏகாம்பரேஸ்வரர் கோயில், புதுநகர் சிவன் கோயில் களில் அபிஷேகம், பூஜைகள் நடந்தது. பக்தர்களுக்கு பிரசாதம் வழங்கப்பட்டது.