* சவால்களை துணிந்து ஏற்றுக்கொள். வெற்றி பெற்றால் மற்றவர்களை வழிநடத்து. தோல்வி என்றால் அது உனக்கு வழிகாட்டும்.
* அனுபவம் வாழ்விற்கு வழிகாட்டும் நல்லாசிரியர். அதனோடு பேசி உறவாடு. இல்லாவிட்டால் உண்மையை உணர முடியாது.
* குறிக்கோள் ஒன்றைத் தேர்ந்தெடுத்து அதற்காக வாழ்வை அர்ப்பணி. எப்போதும் சிந்தித்து, அதை மையமிட்டு கனவு காண்.
மூளை, தசை, நரம்புகள் என உடம்பெங்கும் குறிக்கோளால் நிரப்பு. இதுவே வெற்றிக்கான வழி.
* தைரியமுடன் எழுந்து நில். பழி முழுவதையும் உன் தோள்களில் சுமந்துகொள். மற்றவரை  குறை சொல்லாதே. உன்னைப் பாதிக்கும் எல்லாவற்றுக்கும் நீயே காரணம்.  
* மற்றவரிடம் உள்ள நல்லதைக் கற்றுக்கொள். ஆனால் அவர்களைப் போல மாற முயலாதே. உன் சொந்தவழியில் அதை மாற்றிக் கொள்.
* அடிமை போல பணியாற்றாதே. எஜமானன் போல செயல்படு. இடைவிடாமல் வேலை செய். ஆனால் அதற்கு அடிமையாகாதே.  
எல்லா ஆற்றல்களும் உனக்குள் இருக்கிறது. எதையும், எல்லாவற்றையும் செய்யும் வலிமை பெற்றவன் நீ. பலவீனமானவன் என்று ஒருபோதும் எண்ணாதே. எழுந்து நின்று உனக்குள் புதைந்து கிடக்கும் தெய்வீக உணர்வை வெளிப்படுத்து. – உற்சாகமூட்டுகிறார் விவேகானந்தர்