ராகு 10ம் இடமான மிதுனராசிக்கு மாறுவது சிறப்பான இடம் அல்ல. பொருள் இழப்பையும், உடல் உபாதைகளையும் கொடுப்பார். கேது 4ம் இடமான தனுசு ராசிக்கு வருவதால் தீயோர் சேர்க்கைக்கு ஆளாகி அவதியுறலாம். குருபகவானால் முயற்சியில் தடை ஏற்படும். எதிர்பார்த்த பதவி உயர்வு கிடைக்காது. ஆனால் அவரது பார்வையால் நன்மை காண்பீர்கள். சனிபகவானால்  ஊர் விட்டு ஊர் செல்லும் நிலை உருவாகும். தாயை பிரிந்து செல்லும் நிலை ஏற்படலாம்.   காலத்தால் கிரகங்கள் இடம் மாறினாலும் நீங்கள் கடமை தவறாமல் அக்கறையுடன் பணியாற்றி உயர்வீர்கள்.

2019 பிப்ரவரி– அக்டோபர்

பணியாளர்களுக்கு கடந்த காலத்தை விட பணிச்சுமை அதிகரிக்கும். ஆனால் சம்பள உயர்வு, பதவி உயர்வுக்கு தடை இருக்காது. மேலதிகாரிகளிடம் அனுசரித்து போகவும்.  சிலர் வேலையில் அதிக ஆர்வம் இல்லாமல் இருக்கலாம்.

விவசாயிகள் அதிகமாக உழைக்க வேண்டியதிருக்கும். வழக்கு, விவகாரத்தில் முடிவு சுமாராக இருக்கும். சிலருக்கு பாதகமான தீர்ப்பும் கிடைக்கலாம். குடும்பத்தேவைக்காக அதிகம் பாடுபட வேண்டியதிருக்கும்.  குருவின் வக்கிர காலத்தில் தடைபட்ட திருமணம் நடக்க வாய்ப்புண்டு. கேதுவால் உடல் உபாதைகள் வரலாம்.

2019 நவம்பர் – ஆகஸ்ட்

தனியார் துறையில் பணிபுரிபவர்களுக்கு  வேலைப்பளு அதிகமாகும். இருப்பினும்  சம்பள உயர்வுக்கு  தடை இருக்காது. அரசு வேலையில் இருப்பவர்கள் வேலையில் அக்கறையுடன் இருக்கவும். 2020 மார்ச் 26க்கு பிறகு வேலையில்  திருப்தியும், நிம்மதியும் காண்பீர்கள்.

பரிகாரம்:
* வெள்ளியன்று ராகுகால துர்கை வழிபாடு
* தேய்பிறை அஷ்டமியன்று பைரவர் தரிசனம்
* திங்கட்கிழமை சிவபெருமானுக்கு நெய்தீபம்