வால்பாறை: சிறுகுன்றா மகாளியம்மன் திருக்கோவில் திருவிழா சிறப்பாக நடந்தது.வால்பாறை அடுத்துள்ளது சிறுகுன்றா எஸ்டேட். இங்குள்ள மகாளியம்மன் திருக்கோவில், 65ம் ஆண்டு திருவிழா கடந்த, ஒன்றாம் தேதி கொடியேற்றத்துடன் துவங்கியது.விழாவில் கடந்த, 9ம் தேதி காலை, 11:30 மணிக்கு அம்மனுக்கு திருக்கல்யாணம் நடந்தது. தொடர்ந்து பக்தர்களுக்கு கோவில் வளாகத்தில் அன்னதானம் வழங்கப்பட்டது. நேற்று முன் தினம் காலை, 11:00 மணிக்கு பக்தர்கள் அலகு குத்தி ஊர்வலமாக சென்றனர். விழாவிற்கான ஏற்பாடுகளை கோவில் நிர்வாகிகள் செய்திருந்தனர்.