திருச்சி: ஸ்ரீரங்கம் ரங்கநாதர் கோவிலில் நடந்து வரும் பங்குனி உற்சவத்தின் ஆறாம் நாளான இன்று, உறையூர் கமல்லி நாச்சியாருடனான நம்பெருமாள் சேர்த்தி சேவை நடந்தது.

ஸ்ரீரங்கம் ரெங்கநாதர் கோவிலில் பங்குனி தேர்த்திருவிழா மார்.,13ல் கொடியேற்றத்துடன் தொடங்கி நடைபெற்று வருகிறது. உற்சவத்தின் ஆறாம் நாளான இன்று(மார்.,19ல்) உறையூர் கமல்லி நாச்சியாருடனான நம்பெருமாள் சேர்த்தி சேவை நடந்தது. 20ம் தேதி நம்பெருமாள் குதிரை வாகனத்தில் எழுந்தருளி வையாளி கண்டருளுகிறார். விழாவின் முக்கிய நிகழ்ச்சியான பங்குனி தேரோட்டம் வரும் 22ம் தேதி காலை 8 மணிக்கு நடைபெறுகிறது.