ரெட்டியார்சத்திரம் :கோபிநாதசுவாமி கோயிலுக்கு பஸ் இயக்க, போக்குவரத்துக்கழகம் முன்வர வேண்டும். ரெட்டியார்சத்திரம்-கன்னிவாடி ரோட்டில், பங்காருபுரம் அருகே மலைக்குன்றில் கோபிநாதசுவாமி கோயில் உள்ளது. கிருஷ்ண ஜெயந்தி, புரட்டாசி சனிவார விழாக்கள் நடக்கும். தற்போது மற்ற நாட்களிலும் பக்தர்கள் வருகின்றனர். போதிய பஸ் வசதி இல்லை. விழா நாட்களில், ரெட்டியார்சத்திரம், திண்டுக்கல், ஒட்டன்சத்திரத்தில் இருந்து, சிறப்பு பஸ்கள் இயக்கப்படும். பிற நாட்களில், பங்காருபுரம் அருகே மெயின்ரோட்டில் இருந்து 3 கி.மீ., நடந்து செல்ல வேண்டியுள்ளது. கன்னிவாடி, ரெட்டியார்சத்திரத்தில் இருந்து ஆட்டோ, வேன்களில் தான் செல்ல முடியும். ஒட்டன்சத்திரம், திண்டுக்கல்லில் இருந்து ரெட்டியார்சத்திரம் வழி பஸ் இயக்க, போக்குவரத்துக் கழகம் முன்வர வேண்டும்.