கோவை: போத்தனூர் சாய்பாபா கோவிலில், யோக சாய்பாபா விக்கிரகம் நேற்று (ஏப்., 10ல்) பிரதிஷ்டை செய்யப்பட்டது.

போத்தனூர் - ஈச்சனாரி ரோட்டில், கடந்த மூன்றாண்டுகளுக்கு முன் கட்டப்பட்டது, சத்குரு சீரடி சாய்பாபா கோவில். கோவிலில், யோக நிலையில் உள்ள, யோக சாய்பாபா விக்கிரகம் நேற்று (ஏப்., 10ல்) பிரதிஷ்டைசெய்யப்பட்டது. விழாவை முன்னிட்டு நேற்று (ஏப்., 10ல்)காலை, 7:00 மணிக்கு, விசேஷ பூஜை, திவ்ய ஹோமங்கள் நடந்தன. ஹோமங்களை தொடர்ந்து, திருவாரூர் ஸ்கந்தசாய் தியான பீடத்தின் கனகசபாபதி சுவாமிகள் முன்னிலையில், விக்கிரகம் பிரதிஷ்டை செய்யப்பட்டது. ஏராளமானோர் பங்கேற்று வழிபட்டனர்.