பல்லடம்:கே.என்.புரத்தில் நடந்த பொங்கல் பூச்சாட்டு விழாவில், பெண்கள் மாவிளக்கு எடுத்து வந்து மாரியம்மனை வழிபட்டனர்.பல்லடத்தை அடுத்த கே.என். புரம் லட்சுமி மில்ஸ்
பகுதியில், செல்வ விநாயகர் கோவில் உள்ளது. அங்கு பச்சை பந்தல் அமைத்து, மாரியம்மனுக்கு ஆண்டுதோறும் பொங்கல் பூச்சாட்டு விழா நடந்தப்பட்டு வருகிறது.நடப்பு ஆண்டு, ஏப். 2 அன்று, பூச்சாட்டு விழா துவங்கியது.

மறுநாள், விநாயகருக்கு பொங்கல் வைத்து வழிபாடு செய்யப்பட்டது.தொடர்ந்து, கணபதி ஹோமம் செய்யப்பட்டு, புது காலனி சிந்தாமணி விநாயகர் கோவிலில் இருந்து, செல்வ
விநாயகர் கோவிலில் உள்ள பச்சை பந்தலில் மாரியம்மன் எழுந்தருளினார்.ஏப். 9 முதல், அம்மன் அழைத்தல், முளைப்பாலிகை எடுத்தல் மற்றும் மாவிளக்கு எடுத்து வருதல்
உள்ளிட்ட வழிபாடுகள் மேற்கொள்ளப்பட்டன.ஏராளமான பெண்கள் பக்தி பரவசத்துடன் பங்கேற்று, மாரியம்மன் வழிபாடு செய்தனர். நேற்று (ஏப்., 10ல்) காலை, பெண்கள் மாரியம்மனுக்கு பொங்கல் வைத்து வழிபட்டனர்.