ரெகுநாதபுரம் : ரெகுநாதபுரம் வல்லபை ஐயப்பன் கோயிலில் சித்திரை தமிழ் மாதவிகாரி வருடப்பிறப்பை முன்னிட்டு விஷூ கனி தரிசனம் கோலாகலமாக நடந்தது.

வல்லபை விநாயகர், ஐயப்பன், மஞ்சமாதா, சங்கரன் சங்கரிஉள்ளிட்ட பரிவார தெய்வங்களுக்கு கணபதி ஹோமம், அஷ்டாபிஷேகம் உள்ளிட்ட சிறப்பு பூஜைகள் நடந்தது. சபரிமலை ஐயப்பன் கோயிலில்போன்று பக்தர்களுக்கு கைநீட்டல் வழங்கும் நிகழ்ச்சி நடந்தது. மா, பலா, வாழை உள்ளிட்ட 30 வகையான பழங்கள், காய்கறிகளால்குவித்து காட்சிக்கு வைக்கப்பட்டது. கண்ணாடி முன்பு ஐயப்பனின் படம் வைக்கப்பட்டு பிரம்ம ரூபத்தில் பக்தர்களுக்கு அருள்பாலித்தார்.அன்னதானம் நடந்தது. பூஜைகளை தலைமைக்குருக்கள் மோகன் சுவாமி செய்திருந்தார். மாலையில் ஏராளமான ஐயப்ப பக்தர்கள் சபரிமலை யாத்திரைக்கு புறப்பட்டு சென்றனர். ஏற்பாடுகளை ரெகுநாதபுரம் வல்லபை ஐயப்பன் கோயில் சேவை நிலைய அறக்கட்டளையினர் செய்திருந்தனர்.