உடுமலை:பூளவாடி, அன்பிற்பிரியாள் அம்மன் கோவிலில், திருக்கல்யாண உற்சவம் நடந்தது.பூளவாடியில் மதுரைவீரன் வெள்ளையம்மாள் பொம்மியம்மாள் மற்றும் அன்பிற் பிரியாள் அம்மன் கோவில் உள்ளது. கோவிலில் மருதவாணேஸ்வரர் அன்பிற்பிரி யாள் திருக்கல்யாண உற்சவம் நேற்று (ஏப்., 18ல்) நடந்தது.  காலை, 8:00 மணிக்கு விக்னேஸ்வர பூஜையுடன் நிகழ்ச்சி துவங்கியது.

காலை, 8:30 மணிக்கு பக்தர்கள் கல்யாண சீர்வரிசைப் பொருட்கள் ஊர்வலமாக எடுத்து வந்தனர். காலை, 10:00 மணிக்கு மணக்கோலத்துடன், அன்பிற்பிரியாள் உடனமர்
மருதவாணேஸ்வரர் மாலை மாற்றும் நிகழ்ச்சி நடந்தது.

தொடர்ந்து, 10:30 மணிக்கு திருக்கல்யாண உற்சவம் ஆரம்பமாகி, மருதவாணேஸ்வரர் சுவாமிகள், அன்பிற்பிரியாள் அம்பாளுக்கு மாங்கல்ய தாரணம் செய்தார்.

திருமணக்கோலத்துடன் சுவாமிகளுக்கு மகாதீபாராதனை மற்றும் ஆரத்தி எடுக்கப்பட்டது. சிறப்பு அலங்காரத்துடன் சுவாமிகள் பக்தர்களுக்கு அருள்பாலித்தனர். நிறைவாக,
மகேஸ்வர பூஜை நடந்தது. இதில் திரளான பக்தர்கள் பங்கேற்றனர்.