விழாவின் முக்கிய நிகழ்வாக கொடியேற்றுதல் நிகழ்ச்சி நேற்று நடந்தது. காலை, 11:00 மணி முதல், கொடிக்கம்பத்துக்கு, சிறப்பு அபிேஷக அலங்கார பூஜை நடந்தது. கொடி கம்பத்துக்கு, மஞ்சள் ஆடை சுற்றி, மாலை அணிவித்து சிறப்பு வழிபாடு நடந்தது.பூஜைவின் நிறைவாக, பகல், 12:30 மணிக்கு, கொடியேற்றப்பட்டு, பக்தர்களுக்கு தீர்த்தம் தெளிக்கப்பட்டது.

முகூர்த்தக்கால் நடுதல்: பக்தர்கள் திரளாக வந்திருந்து, கொடியேற்றுதலை வழிபட்டனர். தொடர்ந்து, வரும் 24ம்தேதி நடக்க உள்ள அம்மன் திருக்கல்யாண வைபவத்தையொட்டி, முகூர்த்தக்கால் நடப்பட்டது. மதியம், 2:00 மணிக்கு, பூவோடு நிகழ்வு துவங்கியது. மாரியம்மன் சிறப்பு அலங்காரத்தில், பக்தர்களுக்கு அருள்பாலித்தார். விழாவையொட்டி, கோவில் வளாகத்தில், அடிஅளப்பது மற்றும் அடிவிழுந்து வழிபடும் வேண்டுதல்களை நிறைவேற்றும் பக்தர்கள் கூட்டம் அதிகரித்துள்ளது. நாள்தோறும், மாலை, 7:00 மணிக்கு அம்மன் திருவீதி உலா நடைபெறுகிறது. நேற்று, காமதேனு வாகனத்தில், மலர் அலங்காரத்துடன் அம்பாள், திருவீதி உலா நடந்தது. திருவிழாவையொட்டி, இன்னிசை நிகழ்ச்சி நடந்தது.