சின்னமனுார் : தேனி மாவட்டம் குச்சனுார் சனீஸ்வரர் கோயில் ஆடி சனிவார திருவிழா ஜூலை 20ல் கொடியேற்றத்துடன் துவங்குகிறது. அன்று காலை 11:30 மணிக்கு கொடியேற்றத்தை தொடர்ந்து சிறப்பு பூஜைகள் நடைபெறும். முக்கிய நிகழ்வான சனீஸ்வரர்- நீலாதேவி திருக்கல்யாணம் ஆக. 2 பகல் 12:30 மணிக்கு நடைபெறும்.ஆக. 3ல் மூன்றாவது சனிவார திருவிழா நிறைவடைந்தவுடன் மஞ்சனக்காப்பு சாத்துபடி நடைபெறும். ஆக. 12ல் சோணைக்கருப்பசாமி பொங்கல் விழா நடைபெறும். இதையொட்டி பக்தர்கள் காணிக்கையாக வழங்கும் மதுபாட்டில்கள் படையல் வைக்கப்படும். கோயில் சார்பில் சிறப்பு அசைவ விருந்து நடைபெறும்.இதற்கான ஏற்பாடுகளை அறநிலையத்துறையினர் செய்து வருகின்றனர்.