ஓமலூர்: பவித்ர மாலையுடன், சர்வ அலங்காரத்தில் பெருமாள், கருட சேவையில் காட்சிய ளித்தார். கருட சேவை கைங்கர்ய சபா சார்பில், காடையாம்பட்டி, காருவள்ளி அருகே, சின்ன திருப்பதி, வெங்கட்ரமண சுவாமி கோவிலில், ஐந்தாம் ஆண்டாக, ’பவித்ர உற்சவம்’ நேற்று முன்தினம் (ஆக., 12ல்) தொடங்கியது. அதில், கோவில் மண்டபத்தில், உற்சவர்களுக்கு, 49 கும்பம் வைத்து, சிறப்பு அபிஷேகம், யாக பூஜை நடந்தது. நேற்று (ஆக., 13ல்) மாலை, பவித்ர மாலைகளுடன், ஸ்ரீதேவி, பூதேவி சமேதராக வெங்கட்ரமணர், ’கருட சேவை’ அலங்காரத்தில், கோவிலை சுற்றி, வீதியுலா வந்து, பக்தர்களுக்கு அருள்பாலித்தார். திரளான பக்தர்கள் தரிசனம் செய்தனர்.