திருமழிசை:வெள்ளவேடு அடுத்த, திருமழிசை, பிரயாம்பத்து கிராமத்தில் உள்ளது, தேவி எல்லையம்மன் கோவில். கடந்த, 8ம் தேதி, கோவில் வளாகத்தில் எழுந்தருளியுள்ள செல்வ விநாயகருக்கு, மஹா அபிஷேகத்துடன் தீ மிதி திருவிழா துவங்கியது.

அதை தொடர்ந்து, 9ம் தேதி, அம்மனுக்கு காப்புக் கட்டுதல் நிகழ்ச்சி நடந்தது. வரும், 15ம் தேதி தேவி எல்லையம்மனுக்கு, பாலாபிஷேகமும், 16ம் தேதி, விபூதிக் காப்பு அலங்காரமும், சந்தனக் காப்பு அலங்காரமும் நடைபெறும்.விழாவின் முக்கிய நிகழ்ச்சியான தீ மிதி திருவிழா, 18ம் தேதி, மாலை, 6:00 மணிக்கு நடைபெறும். இதில், திருமழிசை, பிரயாம்பத்து உட்பட, 10க்கும் மேற்பட்ட கிராமங்களைச் சேர்ந்த திரளான பக்தர்கள் பங்கேற்பர்.மறுநாள், 20ம் தேதி, இரவு, 7:00 மணிக்கு, விடையாற்றி உற்சவத்துடன், தீ மிதி திருவிழா நிறைவு பெறும் என, கோவில் நிர்வாக குழுவினர் தெரிவித்துள்ளனர்.