திருக்கோவிலூர்: திருக்கோவிலூர் உலகளந்த பெருமாள் கோவிலில் புரட்டாசி முதல் சனிக்கிழமையை முன்னிட்டு பெருமாளுக்கு திருப்பாவாடை தளிகை போடப்பட்டது.

திருக்கோவிலூர் உலகளந்த பெருமாள் கோவிலில், புரட்டாசி முதல் சனிக்கிழமையை முன்னிட்டு, அதிகாலை 5:30 மணிக்கு மூலவர் உலகளந்த பெருமாள் விஸ்வரூப தரிசனம், 7:00 மணிக்கு திருப்பாவை சாற்றுமுறை, 8:00 மணிக்கு ஸ்ரீதேவி பூதேவி சமேத தேகளீசபெருமாள் கண்ணாடி அறைக்கு எழுந்தருளினார். ஜீயர் ஸ்ரீனிவாச ராமானுஜாச்சாரிய சுவாமிகள் தலைமையில் வேத விற்பன்னர்கள் வேதமந்திரம் முழங்க சுவாமிக்கு விசேஷ திருமஞ்சனம் நடந்தது. தொடர்ந்து அலங்காரம், திருப்பாவாடை தளிகை படையலிடப்பட்டு மகா தீபாராதனை, பக்தர்களுக்கு பிரசாதம் வழங்கப்பட்டது.