திருப்பரங்குன்றம்: திருப்பரங்குன்றம் சுப்பிரமணிய சுவாமி கோயிலில் கந்தசஷ்டியையொட்டி தினமும் காலை யாகசாலை பூஜை நடக்கிறது. யாகசாலையில் சுவாமிக்கு தங்ககுடம், வள்ளி, தெய்வானைக்கு வெள்ளி குடங்கள், பரிவார மூர்த்திகளுக்கு வெள்ளி சொம்புகளில் புனிதநீர் நிரப்பி வைக்கப்பட்டு விக்னஷே்வர பூஜை, கும்ப பூஜை முடிந்து தீபாராதனை நடக்கிறது. நவ., 3 காலை சண்முகருக்கு தங்க குட புனித நீரால் அபிஷேகம் செய்யப்படும்.

விழாவின் முக்கிய நிகழ்ச்சியாக நவ., 1 கோயில் பணியாளர்கள் திருக்கண்ணில் வேல் வாங்குதல், 2ல் மாலை சன்னதி தெரு சொக்கநாதர் கோயில் முன் சூரசம்ஹார லீலை, 3ல் காலை சட்டத் தேரில் தங்கமயில் வாகனத்தில் சுவாமி, தெய்வானை எழுந்தருளி தேரோட்டம் நடக்கிறது. தேரோட்டம் முடிந்து கோயிலில் தங்கி விரதமிருக்கும் பக்தர்கள், மாவிளக்கு வைத்து சஷ்டி விரதத்தை முடிப்பர். மாலை மூலவருக்கு தைல புண்ணியாகவாசனமாகி, தயிர் சாதம் படைக்கப்பட்டு, பாவாடை நைவேதன தரிசனம் நடக்கும்.