தேனி : வீரபாண்டி கவுமாரியம்மன் கோயிலுக்கு ஆயிரம் போலீசார் பாதுகாப்பு பணியில் ஈடுபடுத்தப்பட உள்ளனர். வீரபாண்டி திருவிழாவிற்கு கடந்த ஆண்டை விட அதிக கூட்டம் வரும் என எதிர்பார்த்து, அதற்கேற்ப விரிவான பாதுகாப்பு ஏற்பாடுகள் செய்யப்பட்டுள்ளன. நாசவேலையினை தடுத்தல், நெரிசலை கட்டுப்படுத்துதல், குற்றவாளிகளை அடையாளம் காணுதல், ஈவ்டீசிங் தடுத்து டிராபிக் ஒருங்கிணைத்தல் ஆகிய பணிக்காக 11 சி.சி.டி.வி., காமிராக்கள் பொருத்தப்பட்டு கட்டுப்பாட்டு அறையுடன் இணைக்கப்படும். ஆயிரம் போலீசார் பாதுகாப்பு பணியில் ஈடுபடுகின்றனர். இவர்களில் 200 பெண் போலீசார் சாதாரண உடைகளில் கூட்டத்திற்குள் சென்று பாதுகாப்பு பணி செய்கின்றனர். கோயிலுக்குள் பக்தர்களை கட்டுப்படுத்தும் பணியில் பெண் போலீசாரே ஈடுபடுத்தப்பட உள்ளதாக போலீசார் தெரிவித்தனர்.