முதுகுளத்துார் : முதுகுளத்துார் பத்திரகாளியம்மன் கோயில் எதிரே உள்ள ஐயப்பன் சுவாமிக்கு பாலகுருசாமி ஐயப்ப பக்தர்கள் குழு சார்பில் 49ம் ஆண்டு மண்டல பூஜையும்,34ம் ஆண்டு விளக்கு பூஜையும் நடந்தது.

குருநாதர் திருமால், வக்கீல் கோவிந்தசாமி தலைமை வகித்தனர். உதவி குருநாதர் முருகானந்தம் முன்னிலை வகித்தார். காலை 6:00 மணிக்கு கணபதிஹோமம், உச்சிகால பூஜையும், 18 வகையான அபிஷேகமும் நடந்தது.விளக்கு பூஜை முடிந்து பஜனைகள், படி பூஜை நடைபெற்றது. ஐயப்ப பக்தர்கள் குழுவினர் சார்பில் அன்னதானம் வழங்கப்பட்டது. மாலை முக்கிய வீதிகளில் ஐயப்ப சுவாமி திருவீதி உலா நடந்தது. முதுகுளத்துார் சுப்பிரமணிய சுவாமி கோயிலில் உள்ள ஐயப்பன் சுவாமிக்கு தர்ம சாஸ்தா ஐயப்ப பக்தர்கள் குழு சார்பில் 49ம் ஆண்டு மண்டல பூஜையும்,34ம் ஆண்டு விளக்கு பூஜை வக்கீல் திருக்கண்ணன் தலைமையிலும், குருநாதர் முத்துராமலிங்கம் முன்னிலையில் நடைபெற்றது. கணபதி ஹோமம்,18 வகையான அபிஷேகம் நடந்தது. பின் விளக்கு பூஜை முடிந்து பஜனைகள், படி பூஜை நடைபெற்றது. அன்னதானம் வழங்கப்பட்டது.