ஈரோடு: கோட்டை கோவிலுக்குட்பட்ட, இரு கோவில் உண்டியல்களில், 1.6 லட்சம் ரூபாய் பக்தர்கள் காணிக்கை செலுத்தியுள்ளனர். ஈரோடு, ஆருத்ர கபாலீஸ்வரர் கோவிலுக்கு உட்பட்ட, முனிசிபல் காலனி சக்தி விநாயகர் கோவில், மொடக்குறிச்சி வட்டம் துக்காச்சி, 60 வேலம்பாளையம் குப்பியண்ணசாமி கோவில் உண்டியல்கள் நேற்று முன்தினம் திறந்து காணிக்கை எண்ணப்பட்டது. அதில், சக்தி விநாயகர் கோவில் இரண்டு உண்டியலில், 81 ஆயிரத்து, 289 ரூபாய், குப்பியண்ணசாமி கோவில் நான்கு உண்டியலில், 79 ஆயிரத்து, 865 ரூபாய் என, மொத்தம், ஒரு லட்சத்து, 61ஆயிரத்து, 154 ரூபாயை பக்தர்கள் காணிக்கையாக செலுத்தியுள்ளனர். தங்கம், வெள்ளி இல்லை. ஹிந்து சமய அறநிலையத்துறை ஈரோடு ஆய்வாளர் தினேஷ்குமார், செயல் அலுவலர் கங்காதரன் ஆகியோர் கலந்து கொண்டனர்.