அந்தியூர்: அந்தியூர், பத்ரகாளியம்மன் கோவிலில், பங்குனி மாதத்தில் குண்டம் தேர்த்திருவிழா சிறப்பான முறையில் நடக்கும். இந்தாண்டுக்கான விழா, பூச்சாட்டுதலுடன் இன்று துவங்கவிருந்த நிலையில், நாடு முழுவதும் கொரோனா நோய் பரவி வருவதால் அதை தடுக்கும் விதமாக, கோவில் விழா பண்டிகைகளை தள்ளி வைக்கும் வகையில் அரசு உத்தரவிட்டிருந்தது. இதையடுத்து, நேற்று காலை பத்ரகாளியம்மன் கோவில் செயல் அலுவலர் சரவணன் தலைமையில் ஆலோசனை கூட்டம் நடந்தது. இதில், தற்காலிகமாக கோவில் விழாவை தள்ளி வைக்க முடிவு செய்யப்பட்டது.