மயிலாடுதுறை: அய்யாவாடி மஹா பிரத்தியங்கிரா தேவி கோவிலில் அமாவாசை நிகும்பலா யாகம் ரத்து செய்யப்பட்டுள்ளது. எனவே பக்தர்கள் வர வேண்டாம் என அறிவுறுத்தப்பட்டுள்ளது. தஞ்சை மாவட்டம், கும்பகோணம் அடுத்த அய்யாவாடியில் பிரசித்தி பெற்ற மஹா பிரத்தியங்கிரா தேவி கோவில் உள்ளது. இக்கோவிலில் அமாவாசை தோறும் மிளகாய் வற்றல் கொண்டு நடத்தப்படும் நிகும்பலா யாகம் சிறப்பு வாய்ந்தது. வரும் 24ல் அமாவாசை நிகும்பலா யாகம் நடைபெற இருந்தது. தமிழக அரசின் கொரோனா வைரஸ் தடுப்பு முன்னெச்சரிக்கை நடவடிக்கைகளுக்கு ஒத்துழைப்பு அளிக்கும் விதமாக அன்று நடக்க இருந்த நிகும்பலா யாகம் ரத்து செய்யப்பட்டுள்ளது. எனவே அமாவாசை நிகும்பலா யாக வழிபாட்டிற்கு பக்தர்கள் யாரும் கோவிலுக்கு வர வேண்டாம் என அறிவுறுத்தப்பட்டுள்ளது. தொடர்ந்து கோவிலின் நித்ய பூஜைகள் வழக்கம்போல் நடைபெறும் என தலைமை குருக்கள் தண்டபாணி சிவாச்சாரியார் தெரிவித்துள்ளார்.