மதுரை மீனாட்சி அம்மன் கோவிலில், தமிழ்ப் புத்தாண்டு அன்று, பஞ்சாங்க பலன்கள் வாசிக்கப்படுவது வழக்கம். 2019 ஏப்ரலில், விகாரி ஆண்டு பஞ்சாங்கம் வாசிக்கப்பட்ட போது, 2020ல் மோசமான பாதிப்புகள் ஏற்படும் எனக் கூறப்பட்டது. அதை மெய்ப்பிக்கும் வகையில், கொரோனா பாதிப்பு உலகையே உலுக்கி வருகிறது. நேற்று, சார்வரி ஆண்டுக்கான பஞ்சாங்க பலன்கள் வாசிக்கப்பட்டன.

அதில் கூறியிருப்பதாவது:கால்நடை வளர்ச்சி, அரசர்கள், வித்வான்களுக்கு சிரமம் ஏற்படும், அதிக மழை பொழியும், விளைச்சல் அதிகரிக்கும். இந்த ஆண்டின் ராஜாவாக புதன் இருப்பதால், காற்று அதிகம் வீசும். நாடுகளுக்கு இடையே போர் வரும். மந்திரியாக சந்திரன் இருப்பதால், நல்ல மழை பெய்யும். தானிய உற்பத்தி பெருகும், மக்கள் உடல் நலம் பெறுவர். பாதுகாப்பு குறைபாடு ஏற்படலாம்.இவ்வாறு, பலன்கள் கூறப்பட்டன.