பெ.நா.பாளையம்: நரசிம்மநாயக்கன்பாளையத்தில் உள்ள ஸ்ரீசக்தி மாரியம்மன் கோவிலில், பொங்கல் விழா நடந்தது.ஆண்டுதோறும், சித்திரை, வைகாசி மாதங்களில், 14 நாட்கள் பூச்சாட்டு விழாவாக, சக்தி மாரியம்மன் பொங்கல் விழா நடக்கும். இந்தாண்டு, கொரோனா வைரஸ் பரவலை தடுக்க, பூச்சாட்டு விழா, ரத்து செய்யப்பட்டது.ஆனாலும், கோவில் வளாகத்தில் நேற்று பக்தர்கள் இல்லாமல், எளியமுறையில் பொங்கல் விழா நடந்தது. நிகழ்ச்சியில், சக்தி மாரியம்மனுக்கு சிறப்பு பூஜைகள் நடந்தன. மலர் அலங்காரத்தில், அம்மன் அருள்பாலித்தார்.