திண்டுக்கல்:புரட்டாசி பிரம்மோற்ஸவ விழாவை முன்னிட்டு, திண்டுக்கல்லில் இருந்து திருப்பதிக்கு பூக்கள் அனுப்பி வைக்கப்பட்டது.  திண்டுக்கல் மாவட்டம் பழநி புஷ்ப கைங்கர்யா சபா மூலம் ஆண்டுதோறும் திருப்பதி பிரம்மோற்ஸவ விழாவுக்காக பூக்கள் அனுப்பி வைக்கப்படுகிறது. நேற்று திண்டுக்கல் பூ மார்க்கெட்டில் இருந்து வாடா மல்லி, செண்டுப் பூ, பிச்சிப் பூ உட்பட ஒரு டன் பூக்கள் அனுப்பி வைக்கப்பட்டது. சபா தலைவர் ஹரிஹரமுத்து, சிறப்பு ஆலோசகர் சிற்றம்பலநடராஜன், நிர்வாகிகள் பங்கேற்றனர்.செயலாளர் மருதசாமி கூறுகையில், திருப்பதியில் பிரம்மோற்ஸவம் செப்.19 முதல் 27 வரை நடக்கிறது. இதற்காக, இரண்டு நாட்களுக்கு ஒரு முறை பூக்களை அனுப்பி வைக்கிறோம். திருப்பதிக்கு பூக்கள் அனுப்ப விரும்புவோர் 94434 03026ல் பேசலாம், என்றார்.