சென்னை : திருவொற்றியூர் அகத்தீஸ்வரர் கோவிலில், சனிப்பெயர்ச்சியை முன்னிட்டு, 27ம் தேதி நடக்கும் நிகழ்வுகள், நேரலையாக ஒளிபரப்பு செய்யப்படுகின்றன.

வரும், 27ம் தேதி, சனி பகவான், தனுசு ராசியில் இருந்து, மகர ராசிக்கு இடம் பெயர்கிறார். இதை முன்னிட்டு, சென்னை, திருவொற்றியூர் அகத்தீஸ்வரர் கோவிலில், சனீஸ்வர பகவானுக்கு சிறப்பு பரிகார ஹோமம், அபிஷேகம் மற்றும் தீபாராதனை நடத்தப்படுகிறது.அன்று அதிகாலை, 4:00 மணிக்கு, விக்னேஸ்வர பூஜையுடன் துவங்கி, அனுக்ஞை, சங்கல்பம், கணபதி, நவகிரஹ, தில ஹோமங்கள் நடக்கின்றன.காலை, 5:22 மணிக்கு, சனி பகவான் தனுசு ராசியில் இருந்து மகர ராசிக்கு பிரவேசிக்கும் நேரம், பூர்ணாஹுதியுடன் ஹோமம் நிறைவு பெறும். தொடர்ந்து, சனீஸ்வர பகவானுக்கு சிறப்பு அபிஷேகம், தீபாராதனை நடக்கிறது.இந்நிகழ்வை, பக்தர்கள், https://www.youtube.com/c/ThiagarajaswamyVadivudaiyammanTempleOfficial என்ற யு டியூப் சேனல் மூலம், 27ம் தேதி அதிகாலை, 4:00 மணி முதல் நேரலையாக தரிசிக்கலாம்.இவ்வாறு, கோவில் நிர்வாகம் அறிவித்து உள்ளது.