புதுச்சேரி :என்.ஆர். காங்., தலை வர் ரங்கசாமி திருச்செந்துார் கோவிலில் சிறப்பு வழிபாடு நடத்தினார்.

அரசியலில் முக்கிய முடிவுகள் எடுக்கும்போது, திருச்செந்துார் முருகர் கோவில், சேலத்தில் உள்ள ஆன்மிக குருவான அப்பா பைத்தியம் சுவாமிகள் கோவில், பொள்ளாச்சி அடுத்த வேட்டைக்காரன் புதுாரில் உள்ள அழுக்கு சாமியார் கோவில் ஆகிய கோவில்களுக்கு சென்று வழிபாடு நடத்துவது ரங்கசாமியின் வழக்கமாகும்.

இந்நிலையில், பா.ஜ., கூட்டணியில் நீடிப்பதா, விலகுவதா என்பது தொடர்பான முக்கிய முடிவை எடுக்க வேண்டிய கட்டாயத்தில் ரங்கசாமி உள்ளார். சமீபத்தில், சேலம் மற்றும் வேட்டைக்காரன் புதுாருக்கு சென்று திரும்பிய ரங்கசாமி நேற்று காலை திருச்செந்துாருக்கு புறப்பட்டார். அங்குள்ள முருகர் கோவிலில் சிறப்பு வழிபாடு நடத்தி விட்டு இரவே புதுச்சேரி திரும்பினார்.கூட்டணி தொடர்பான முக்கிய அறிவிப்பை எந்த நேரத்திலும் ரங்கசாமி வெளியிடலாம் என தகவல் வெளியாகி உள்ளது.