அரியாங்குப்பம்: தவளகுப்பம் அருகே கோவில் கோபுரம் மீது மின்னல் தாக்கியதால் கலசம், சிலைகள் இடிந்து விழுந்ததுடன், அருகில் இருந்த வீட்டின் சுவர்களில் விரிசல் ஏற்பட்டுள்ளது.

தவளக்குப்பம் அடுத்த தமிழ்நாடு எல்லையான பெரியகாட்டு பாளையத்தில் முத்து மாரியம்மன் கோவில் திருப்பணி வேலைகள் முடிந்து கும்பாபிஷேகம் நடக்கும் நிலையில் உள்ளது. நேற்று முன்தினம் இரவு 7:00 மணியளவில் அந்த பகுதியில் இடியுடன் கனமழை பெய்தது. அப்போது கோவில் கோபுரத்தின் மீது பலத்த இடி சத்தத்துடன் மின்னல் தாக்கியது. இதில் கோபுர கலசம், கோபுரத்தில் உள்ள சுவாமி சிலைகள் இடிந்து விழுந்தது. கோவில் அருகில் இருந்த வீடுகளின் சுவர்களிலும் விரிசல் ஏற்பட்டுள்ளது. அப்பகுதியில் உள்ள வீடுகளின் மின் விசிறி, ஏசி, மின் விளக்குகள் சேதமடைந்தன.