சென்னை : மயிலாப்பூர், கபாலீஸ்வரர் கோவிலில், இன்று பிரதோஷ வழிபாடு சிறப்பாக நடைபெற்றது. ஆன்லைன் மூலம் பக்தர்களுக்கு நேரலையாக ஒளிபரப்பு செய்யப்பட்டுள்ளது.

ஊரடங்கால், கோவில்களில், பக்தர்களுக்கு தரிசனம் ரத்து செய்யப்பட்டது. அதன் தொடர்ச்சியாக, திருவிழாக்களும், ரத்து செய்யப்பட்டு விட்டன. கோவிலில் நடக்கும் மாதாந்திர நிகழ்ச்சிகளில், பிரதோஷ வழிபாடு பிரசித்தி பெற்றது. ஒவ்வொரு பிரதோஷத்தின் போது, ஏராளமான பக்தர்கள் பங்கேற்பர். இந்நிலையில், இன்று மாலை மயிலாப்பூர் கபாலீஸ்வரர் கோயிலில் பிரதோஷ வழிபாடு சிறப்பாக நடைபெற்றது. இதில் பங்கேற்க யாருக்கும் அனுமதி இல்லை. எனவே, பக்தர்கள் வசதிக்காக, மயிலாப்பூர் கபாலீஸ்வரர் கோவிலில், பிரதோஷ வழிபாட்டை ஆன்லைன் மூலம் நேரலையாக ஒளிபரப்ப முடிவு செய்யப்பட்டுள்ளது.

வழிபாட்டை, https://www.youtube.com/watch?v=tqdVjRR6SyA என்ற இணையதளத்தின் மூலம் பக்தர்கள் காணலாம்.