சூலூர்: ஆடி அமாவாசையை ஒட்டி, கோவில்களில் சிறப்பு பூஜைகள் நடந்தன. ஆடி அமாவாசையை ஒட்டி, சூலூர் வட்டார கோவில்களில் சிறப்பு பூஜைகள் நடந்தன. சூலூர் வைத்தீஸ்வரன் கோவில், சென்னியாண்டவர் கோவில், செஞ்சேரிமலை மந்திரகிரி வேலாயுதசுவாமி கோவில், முத்துக்கவுண்டன் புதூர் மாகாளியம்மன், சூலூர் மேற்கு அங்காளம்மன் உள்ளிட்ட கோவில்கள் மற்றும் கிராமப்புறங்களில் உள்ள அம்மன் கோவில்களில் சிறப்பு அபிஷேக, அலங்கார பூஜைகள் நடந்தன. அரசு கட்டுப்பாட்டில் உள்ள கோவில்களில் பக்தர்கள் அனுமதிக்கப்படவில்லை. தனியார் கோவில்களில் குறைந்த அளவிலான பக்தர்கள் பங்கேற்று வழிபட்டனர்.