திருக்கோவிலூர்: திருக்கோவிலூர், ஏரிக்கரை மூலை, இரட்டை விநாயகர் கோவில் மூல கலசத்திற்கு புனித நீர் ஊற்றி கும்பாபிஷேகம் நடந்தது.

திருக்கோவிலூர், ஏரிக்கரை மூளையில் உள்ள பழமையான இரட்டை விநாயகர் கோவில் புதுப்பிக்கப்பட்டு நேற்று கும்பாபிஷேகம் நடந்தது. முன்னதாக 18ம் தேதி காலை கணபதி ஹோமம், மஹாலக்ஷ்மி ஹோமத்துடன் யாகசாலை பூஜைகள் துவங்கியது. விழாவின் முக்கிய நிகழ்ச்சியாக நேற்று அதிகாலை 4:00 மணிக்கு நான்காம் கால யாகசாலை பூஜைகள் நிறைவடைந்து, 6.00 மணிக்கு கடம் புறப்பாடாகி, 6:30 மணிக்கு மூல கலசம் மற்றும் மூலவர் இரட்டை விநாயகருக்கு புனித நீர் ஊற்றி மகா கும்பாபிஷேகம் நடந்தது. இதில் ஏராளமான பக்தர்கள் கலந்து கொண்டனர். பக்தர்கள் அனைவருக்கும் அன்னதானம் வழங்கப்பட்டது. இரவு சுவாமி சிறப்பு அலங்காரத்தில் பக்தர்களுக்கு அருள் பாலித்தார். கோவில் தலைவர் கார்த்திகேயன், நிர்வாகி குமரகுரு, செயலாளர் தினகரன் மற்றும் விழாக்குழுவினர் நிகழ்ச்சிக்கான ஏற்பாடுகளை செய்திருந்தனர்.