சபரிமலை: மண்ட கால பூஜைகளுக்காக சபரிமலை நடை, நாளை மறுநாள் மாலை திறக்கப்படுகிறது.

கேரளாவில் உள்ள சபரிமலை அய்யப்பன் கோவிலில் கார்த்திகை ஒன்றாம் தேதி முதல் 41 நாட்கள் தொடர்ச்சியாக மண்டல கால பூஜை நடப்பது வழக்கம்.தமிழகத்தை விட ஒரு நாள் முன்னதாக கேரளாவில் கார்த்திகை ஒன்றாம் தேதி வருகிறது. இதனால் நவம்பர் 15 மாலை 5:00 மணிக்கு நடை திறக்கப்படுகிறது. நவம்பர் 16 அதிகாலை புதிய மேல்சாந்தி பரமேஸ்வரன் நம்பூதிரி நடை திறந்து விளக்கேற்றியதும் இந்த ஆண்டுக்கான மண்டல காலம் துவங்கும்.

இந்த சீசனில் தினமும் 30 ஆயிரம் பக்தர்கள் ஆன்லைன் முன்பதிவு வாயிலாக அனுமதிக்கப் படுகின்றனர். இரண்டு தடுப்பூசி போட்டதற்கான சான்று அல்லது 72 மணி நேரத்துக்குள் எடுக்கப்பட்ட ஆர்.டி.பி.சி.ஆர்., சான்றிதழ் மற்றும் ஆதார் ஒரிஜினல் கார்டுடன் பக்தர்கள் வர வேண்டும்.பம்பை கணபதி கோவில் அருகே கூப்பன் சரிபார்க்கப்பட்ட பின், பக்தர்கள் மலையேற அனுமதிக்கப்படுவர். சன்னிதானத்தில் இரவு தங்க அனுமதி இல்லை. பம்பையில் குளிக்கலாம். நீலிமலை அப்பாச்சி மேடு ரோட்டில் செல்ல முடியாது. நெய்யபிஷேகம் நேரடியாக செய்ய முடியாது. கவுன்டரில் கொடுத்து பிரசாதம் பெற்றுக் கொள்ள வேண்டும்.முன்பதிவு செய்யாமல் வரும் பக்தர்களுக்காக நில்லக்கல்லில் ஸ்பாட் புக்கிங் வசதி செய்யப்பட்டுள்ளது.போட்டோ, ஆதார் கார்டுடன் சென்று, இங்கு பக்தர்கள் பதிவு செய்து சபரிமலை செல்லலாம்.

அதில் கூறப்பட்டுள்ளதாவது: சபரிமலை விமான நிலையத்திற்கு ஏர் டிராபிக் சிக்னல்கள், கொச்சி, திருவனந்தபுரத்திலிருந்து கிடைக்க வேண்டும். 88 மற்றும் 110 கி.மீ., வான்வெளி துாரங்களிலிருந்து இந்த சிக்னல் கிடைக்கிறது. ஆனால், 150 கி.மீ., துாரத்திற்குள் உள்ள இடங்களுக்கு புதிய விமான நிலையம் அமைக்க ஏர் டிராபிக் கட்டுப்பாட்டு சட்டத்தில் இடம் இல்லை.ஓடுபாதையின் நீளம், அகலம் மத்திய விமான போக்குவரத்து அமைச்சகம் நிர்ணயித்த அளவில் இல்லை. மக்கள் வசிக்கும் இரு கிராமங்கள் மிக அருகில் உள்ளன. இவ்வாறு அதில் கூறப்பட்டுள்ளது.

« முந்தைய

அடுத்து »