தேவகோட்டை: தேவகோட்டை அருகே உள்ள சண்முகநாதபுரத்தில் உள்ள வீரமாகாளியம்மன் கோயில் லகு கும்பாபிஷேகம் நடைபெற்றது. முன்னதாக பிள்ளையார்பட்டி பிச்சை சிவாச்சாரியார் தலைமையில் நான்கு கால யாக பூஜைகள் உட்பட ஏராளமான சிறப்பு பூஜைகளை தொடர்ந்து புனித நீர் ஊற்றி கும்பாபிஷேகம் நடந்தது. நிகழ்ச்சியில் குன்றக்குடி பொன்னம்பல அடிகளார், அமைச்சர்கள் பெரியகருப்பன், ரகுபதி பங்கேற்றனர். ஆயிரக்கணக்கான பக்தர்கள் பங்கேற்று கும்பாபிஷேகத்தை கண்டும் , அம்மன் தரிசனம் செய்தனர்.