செஞ்சி: செஞ்சி பகுதி ஆஞ்சநேயர் கோவில்களில் அனுமன் ஜெயந்தி விழா நடந்தது. செஞ்சி சங்கராபரணி ஆற்றங்கரையில் உள்ள கோதண்டராமர் கோவில் அனுமன் ஜெயந்தியை முன்னிட்டு ஆஞ்சநேயருக்கு வெண்ணை காப்பு அலங்காரமும், மகா தீபாரதைனையும் நடந்தது. பக்தர்களுக்கு பிரசாத வினியோகம் செய்தனர். திரளான பக்தர்கள் கலந்து கொண்டனர். கீழ்தாங்கல் திருவத்திமலை வெங்கடாஜலபதி கோவிலில் 21 ஆடி ஆஞ்சநேயருக்கு சிறப்பு அலங்காரம் செய்து பக்தர்கள் வழிபாடு நடத்தினர். பக்தர்களுக்கு பிரசாத வினியோகம் செய்தனர். புலிப்பட்டு கருவாட்சி தாங்கல் வீர ஆஞ்சநேயர் கோவிலில் எட்டாம் ஆண்டு கும்பாபிஷேக தின விழா மற்றும் அனுமன் ஜெயந்தியை முன்னிட்டு காலை 10 மணிக்கு சிறப்பு ஹோமமும், ஆஞ்சநேயருக்கு சிறப்பு திருமஞ்சனம், சிறப்பு அலங்காரம் மற்றும் மகா தீபாராதனை நடந்தது. பக்தர்களுக்கு அன்னதானம் வழங்கினர். இதில் திரளான பக்தர்கள் கலந்து கொண்டனர்.