திருக்குறுங்குடி: திருக்குறுங்குடி அழகிய நம்பிராயர் கோயிலில், பங்குனி பிரம் மோற்ஸவ திருவிழாவில், நேற்று தேவ மகரிஷிகளுக்கு 5 நம்பி சுவாமிகளும் காட்சி கொடுக்கும் நிகழ்ச்சி விமரிசையாக நடந்தது.

திருக்குறுங்குடி அழகிய நம்பிராயர் கோயிலில் பங்குனி பிரம்மோற்ஸவ திருவிழா நடந்து வருகிறது. திருவிழா நாட்களில் பல்வேறு வாகனங்களில் பெருமாள் வீதி உலா வந்து அருள் பாலிக்கிறார்.பிரம் மோற்­ஸவ திருவிழாவில் நேற்று முன்தினம் இரவு 5 நம்பி சுவாமிகளும் கருட வாகனத்தில் எழுந்தருளி மாடவீதிகளில் வலம் வந்தனர். நேற்று அதிகாலை 4 மணிக்கு 5 நம்பி சுவாமிகளும் மே ல ரத வீதியில், மகேந்திரகிரி மலையை நோக்கி தேவ மகரிஷிகளுக்கு காட்சி கொடுக்கும் நிகழ்ச்சி நடந்தது. ஏராளமான பக்தர்கள் கோவிந்தா , கோவிந்தா என கோஷமிட்டபடி சுவாமி தரிசனம் செய்தனர்.