நத்தம் : நத்தம் மாரியம்மன் கோவில் மாசி பெருந்திருவிழா மார்ச் 7 ல் கொடி ஏற்றத்துடன் தொடங்கியது. பின்னர் கரந்த மலை கன்னிமார் தீர்த்தத்தில் நீராடி 15 ஆயிரத்திற்கும் மேற்பட்ட பக்தர்கள் விரதமிருந்தனர்.

கோவில் முன்பு அமைக்கப்பட்டிருந்த பூக்குழி தளத்தில் விரதமிருந்த பக்தர்கள் இறங்கினார்கள்.திருவிழாவின் முக்கிய நிகழ்வாக பூப்பல்லக்கு நேற்று முன்தினம் (புதன்கிமை) இரவு நடந்தது. இதில் அம்மன் குளத்திலிருந்து மல்லிகை, முல்லை, ரோஜா, சம்மங்கி, துளசி, அரளி, கனகாம்பரம், செவ்வந்தி போன்ற வண்ண வண்ண பூக்களால் அலங்கரித்த சிறப்பு பல்லக்கில் மாரியம்மன் எழுந்தருளினார்.மேளதாளம் முழங்க தீவட்டி பரிவாரங்கள், வாண வேடிக்கையுடன் அம்மன் புறப்பாடு தொடங்கியது. நகரின் முக்கிய வீதிகள் வழியாக 15க்கும் மேற்பட்ட மண்டபங்களில் மாரியம்மன் பூப்பல்லக்கில் எழுந்தருளி பக்தர்களுக்கு அருள் பாலித்தார். நேற்று காலையில் அம்மன் கோவிலுக்கு வந்து இருப்பிடம் சேர்ந்தார். மூலவருக்கும், உற்ஸவருக்கும், சிறப்பு பூஜைகள், தீபாராதனைகள் நடந்தது. இத்துடன் திருவிழா நிறைவு பெற்றது.