திருப்புத்துார் : திருப்புத்துார் அருகே பட்டமங்கலம் அஷ்டமாசித்தி தட்சிணாமூர்த்தி கோவிலில் குருபெயர்ச்சியை முன்னிட்டு நேற்று சிறப்பு யாகம் நடந்தது.

குருபகவான் கிழக்கு நோக்கி எழுந்தருளியுள்ள இக்கோவில் குருதலமாக பக்தர்களால் போற்றப்படுகிறது. ஏப்.14,ல் கும்ப ராசியில் இருந்து மீன ராசிக்கு குரு பகவான் பெயர்வதை முன்னிட்டு நேற்று காலை 10:05 மணிக்கு கலசங்களுடன் யாகசால பூஜை துவங்கியது. 12:30 மணிக்கு பூர்ணாகுதி நடந்தது. பின்னர் யாகசாலையிலிருந்து கலசங்கள் புறப்பாடாகி மூலவருக்கு சிறப்பு அபிஷேக, ஆராதனை நடந்தது. சந்தனக்காப்பு அலங்காரத்தில் சுவாமி பக்தர்களுக்கு அருள்பாலித்தார்.குருபெயர்ச்சியன்று அதிகாலை 4:16 மணிக்கு கோயில் கோபுர, விமானங்களுக்கு சிறப்பு தீபாராதனை நடைபெறும். மூலவரும், உற்ஸவரும் சிறப்பு அலங்காரத்தில் எழுந்தருளுகின்றனர். ஏற்பாட்டினை பரம்பரை அறங்காவலர் வீரப்பன் செய்து வருகிறார்.