மேட்டுப்பாளையம்: ஐயப்ப பக்தர் ஒருவர், 10 பவுன் எடையுள்ள தங்கம் மற்றும் வெள்ளியால் செய்த, வாள்களை, சபரிமலை ஐயப்பன் சுவாமி காணிக்கையாக வழங்கப்பட்டது.

திருப்பூர் விஜயமங்கலத்தைச் சேர்ந்த ஐயப்ப பக்தர் ஒருவர், 10 பவுன் எடை கொண்ட தங்கம் மற்றும் வெள்ளியினால் செய்த வாள்கள், சபரிமலை அய்யப்பன் கோவிலுக்கு காணிக்கையாக வழங்க முடிவு செய்தார். மேட்டுப்பாளையம் கிராதமூர்த்தி அறக்கட்டளை சார்பில், இந்த வாள்களுக்கு, சபரிமலை முன்னாள் மேல்சாந்தி கிருஷ்ணன் நம்பூதிரி, தலைமையில் மலர்களால் அபிஷேகம் மற்றும் சிறப்பு பூஜை செய்யப்பட்டது. இரண்டு வாள்களையும் சபரிமலை தந்திரி மகேஷ் மோகனருவிடம், கிராத மூர்த்தி அறக்கட்டளை செயலாளர் அச்சு சாமி வழங்கினார். ஐயப்பன் கோவிலில், சிறப்பு பூஜைகள் செய்த பின்பு, பந்தளம் அரண்மனை நிர்வாகிகளிடம் ஒப்படைக்கப்பட உள்ளது. இப்பூஜையில் காட்டூர் ஐயப்பன் கோவில் தலைவர் துளசிதாஸ், நிர்வாகி வாசுதேவன் மற்றும் நிர்வாகிகள் பங்கேற்றனர்