பொள்ளாச்சி : பொள்ளாச்சி, சூலக்கல் மாரியம்மன் கோவில் தேர்த்திருவிழா சிறப்பு பெற்றது. இக்கோவிலின் தேர்த்திருவிழா கடந்த, 9ம் தேதி திருத்தேருக்கு முகூர்த்த கால் இடுதலுடன் துவங்கியது. 10ம் தேதி பூச்சாட்டு, 16ம் தேதி கிராம சாந்தி, வாஸ்து சாந்தி, 17ம் தேதி கம்பம் நடுதல், பூவோடு எடுத்தல் நடந்தது.

நேற்று காலை அங்குரார்ப்பணம், யாகசாலை துவக்கம், பக்தர்கள் புடைசூழ கொடியேற்று விழா நடந்தது. இரவு, சிம்ம வாகனத்தில் அம்மன் திருவீதி உலா, பூவோடு எடுத்தல் நடந்தது.நாளை முதல், தினசரி அம்மன் திருவீதியுலா வருவதல் நடைபெறும். வரும், 25ம் தேதி மாவிளக்கு எடுத்து, பொங்கல் வைத்தல், அம்மன் திருக்கல்யாணம் நடக்கிறது. வரும், 26ம் தேதி முதல் மூன்று நாட்கள் தேரோட்டம் நடக்கிறது. 29ம் தேதி மகா அபிேஷகத்துடன் திருவிழா நிறைவடைகிறது.