கமுதி: கமுதி அருகே மரக்குளம் கிராமத்தில் 100 நாள் வேலையின் போது 1 கிலோ 240 கிராம் எடையுள்ள ஐம்பொன் கிருஷ்ணர் சிலை கண்டுபிடிக்கப்பட்டுள்ளது.

கமுதி அருகே மரக்குளம் கிராமத்தில் வில்லால் உடைய அய்யனார் கோயில் அருகே 100 நாள் வேலையில் பணியாளர்கள் ஈடுபட்டிருந்தனர். அப்போது 1 கிலோ 240 கிராம் எடையுள்ள ஐம்பொன் சிலையான தவளும் பிள்ளை போல் உள்ள கிருஷ்ணர் சிலை கண்டுபிடிக்கப்பட்டது.இதனைஅடுத்து பணியாளர்கள் வி.ஏ.ஓ., பாண்டியிடம் தகவல் கொடுத்தனர். பின்பு கமுதி தாசில்தார்​ சிக்கந்தர் பபிதாவிடம் வி.ஏ.ஓ., பாண்டி சிலையை ஒப்படைத்தார்.இதுகுறித்து தொல்பொருள் ஆய்வு குழுவிற்கு தகவல் கொடுக்கப்பட்டது. தொல்பொருள் துறையினர் ஆய்வுக்கு பின்பு சிலையின் வருடம், விபரங்கள் குறித்து தெரியவரும் என்று தாலுகா அதிகாரிகள் கூறினர்.