செஞ்சி: மேல்மலையனுார் அங்காளம்மன் கோவிலில் உண்டியலில் 51 லட்சம் ரூபாயை பக்தர்கள் காணிக்கையாக செலுத்தி இருந்தனர்.

விழுப்புரம் மாவட்டம் மேல்மலையனூர் அங்காளம்மன் கோவிலில்.நேற்று உண்டியல் எண்ணும் பணி ஹிந்து சமய அறநிலையத்துறை உதவி ஆணையர்கள் மேல்மலையனுார் ஜீவானந்தம், விழுப்புரம் விஜயராணி, துணை ஆணையர் சிவலிங்கம் ஆகியோர் முன்னிலையில் நடந்தது. இதில் பக்தர்கள் 50 லட்சத்து 98 ஆயிரத்த 126- ரூபாய் ரொக்கமும், 325 கிராம் தங்க நகைகளும், 660 கிராம் வெள்ளி பொருட்களையும் காணிக்கையாக செலுத்தி இருந்தனர். ஆய்வாளர் சங்கீதா, செயல் அலுவலர்கள் திருவக்கரை சிவக்குமார், கோலியனூர் சிவக்குமார் ,அறங்காவலர் குழுத் தலைவர் வடிவேல், அறங்காவலர்கள் செந்தில்குமார், தேவராஜ், ராமலிங்கம், செல்வம், சரவணன், சந்தானம் மேலாளர் மணி மற்றும் கோவில் ஊழியர்கள் உடன் இருந்தனர்.