மேட்டுப்பாளையம்: ஜடையம்பாளையம் புதூரில் உள்ள, மந்தை மாரியம்மன் கோவிலில் சுமங்கலி பூஜை நடந்தது.

மேட்டுப்பாளையம் அருகே ஜடையம்பாளையம் புதூரில் மந்தை மாரியம்மன் கோவில் உள்ளது. இங்கு பத்தாவது ஆண்டாக முதல் ஆடி வெள்ளி பூஜையும், சுமங்கலி பூஜையும் நடந்தன. காலை, 8:00 மணிக்கு கணபதி வேள்வி, அன்னை வேள்வி வழிபாடு நடந்தது. அதைத் தொடர்ந்து, 16 வகை திருமஞ்சனங்கள் வாயிலாக அபிஷேக வழிபாடும், யாக பூஜை வேள்வி வழிபாடும் நடந்தன. மதியம் அலங்கார ஆராதனை, பேரொளி வழிபாடு ஆகியவை நடந்தது. பின்பு பக்தர்களுக்கு அன்னதானம் வழங்கப்பட்டது. இதில் ஊராட்சித் தலைவர் பழனிசாமி, முன்னாள் தலைவர் ராஜேஸ்வரி உள்பட ஏராளமான பக்தர்கள் பங்கேற்றனர்.