ஆர்.எஸ்.மங்கலம்: ஆர்.எஸ்.மங்கலம் திரௌபதி அம்மன் கோவில் விழா, ஜூலை 29 ல் காப்பு கட்டுதலுடன் துவங்கியது. அன்று முதல் சக்தி கரகம், தருமர் பிறப்பு, கிருஷ்ணர் பிறப்பு, திரௌபதி அம்மன் திருக்கல்யாணம், சக்ராபர்ணகோட்டை உள்ளிட்ட நிகழ்வுகள் நடைபெற்றன. அதன் தொடர்ச்சியாக ஆதிமுத்தன் குடியிருப்பு கிராம, மண்டகபடியாக, சுபத்திரை தர்மராஜா திருக்கல்யாணம் நடைபெற்றது. திருக்கல்யாண நிகழ்வை முன்னிட்டு மூலவருக்கு சந்தனம், குங்குமம், பால், பன்னீர் உள்ளிட்ட 18 வகையான அபிஷேக ஆராதனைகள் நடைபெற்றன. தொடர்ந்து சுபத்திரை தர்மராஜாவுடன் திருமண கோலத்தில் வீதி உலா வந்து, பக்தர்களுக்கு அருள் பாலித்தார். முக்கிய விழாவனை பூக்குழி விழா, ஆக. 19 இல் நடைபெறுகிறது.