திருக்கோவிலூர்: திருக்கோவிலூர் அடுத்த பரனூர் ஸ்ரீ ராதிகாரமண பக்த கோலாகலனுக்கு கோவிந்த பட்டாபிஷேக வைபவம் நடந்தது. திருக்கோவிலூர் அடுத்த பரனூர் ஸ்ரீ ராதிகாரமண பக்த கோலாகலன் கோவிலில் ஸ்ரீ ஜெயந்தி பிரம்மோற்சவ விழா கடந்த 19ம் தேதி கொடியேற்றத்துடன் துவங்கியது. விழாவின் முக்கிய நிகழ்ச்சியாக நேற்று கோவிந்த பட்டாபிஷேகம் நடந்தது. காலை 9:00 மணிக்கு ராதிகா ரமண பக்த கோலாகலன் ஆஸ்தானத்தில் இருந்து புறப்பாடாகி நந்தவன தோட்டத்தில் எழுந்தருளினார். ஸ்ரீ கிருஷ்ணபிரேமி சுவாமிகள் தலைமையில் சுவாமிக்கு சிறப்பு அபிஷேகம், அலங்காரம், மகா தீபாராதனையுடன் கோவிந்த பட்டாபிஷேக வைப்போம் நடந்தது. இரவு சுவாமி அனுமந்த வாகனத்தில் வீதி உலா நடந்தது. விழாவின் முக்கிய நிகழ்ச்சியாக வரும் 26ம் தேதி ராதிகா ரமண பக்த கோலாகலன் திருக்கல்யாணம் வைபவமும், அடுத்து 28ம் தேதி தேரோட்டம் நடக்கிறது. கிருஷ்ணபிரேமி சுவாமிகள் உத்தரவின் பெயரில் கோவில் நிர்வாகத்தினர் விழா ஏற்பாடுகளை செய்து வருகின்றனர்.