காஞ்சிபுரம், திருக்காலிமேடு முத்து மாரியம்மன் கோவில் ஆடி திருவிழா விமரிசையாக நடந்தது. காஞ்சிபுரம், திருக்காலி மேடு திருவள்ளுவர் சாலையில் முத்து மாரியம்மன் கோவில் உள்ளது. பழமையான இக்கோவிலில் ஆண்டு தோறும் ஆடி திருவிழா நடத்தப்பட்டு வருகிறது. அதன்படி நடப்பு ஆண்டுக்கான விழா 26ல் காப்பு அணிவித்தல் நிகழ்ச்சியுடன் துவங்கியது.நேற்று முன்தினம் காலை 5:30 மணிக்கு மூலவர் அம்மனுக்கு சந்தன காப்பு அலங்காரத்துடன் மஹாதீப ஆராதனையும், தொடர்ந்து அம்மன் கரகம் வீதியுலா நடந்தது. மதியம் 1:30 மணிக்கு கூழ்வார்க்கப்பட்டது. மாலை 5:00 மணிக்குபெண்கள் ஊரணி பொங்கல் வைத்து அம்மனுக்கு படையலிட்டனர்.மாலை 6:00 மணிக்குபம்பை சிலம்பாட்டத்துடன் மலர் அலங்காரத்தில் சிம்ம வாகனத்தில் எழுந்தருளிய முத்து மாரியம்மன் உலா வந்தார்.