சிங்கம்புணரி: சிங்கம்புணரி அருகே பிரான்மலையில் குன்றக்குடி ஆதினத்துக்குட்பட்ட மங்கைபாகர் தேனம்மை வடுகபைரவர் கோயிலில் வருடாபிஷேகம் நடந்தது. கோயில் கண்காணிப்பாளர் கேசவன் முன்னிலையில் உமாபதி சிவாச்சாரியார் சிறப்பு யாகங்களை நடத்திவைத்தார். திருக்கொடுங்குன்றநாதர், குயிலமுத நாயகி அம்மன், வடுக பைரவர், மங்கைபாகர் தேனம்மை சுவாமிகளுக்கு தைலக்காப்பு அபிஷேகம் செய்யப்பட்டு சிறப்பு வழிபாடு நடந்தது. சிறப்பு அலங்காரத்தில் திருக்கொடுங்குன்றநாதர் காட்சி அளித்தார். ஏராளமான பக்தர்கள் பங்கேற்றனர்.